香港新浪網 MySinaBlog
« 上一篇 | 下一篇 »
大口仔 | 23rd Nov 2008 | 談理財 | (49 Reads)
唔知大家踏入第三季之後的心情如何呢?

最近總係聽到朋友家人講"早知放哂D股票"、"都叫左你唔好買乜乜乜"、"都話左買樓唔同買棵菜"云云....請問你有冇對家人朋友講過類似既說話?

咱們都係凡人,無人有水晶球知道港股在2007年11月、樓市在2008年3月見頂,能夠真正全身而退既人唔係無,不過一百個之中唔知有冇一個。作為凡人,大口仔的目標只有一個,透過工作收入不斷積累資產幫自己錢搵錢,期間日復日的起起跌跌,我盡量唔想影響到自己的心情。

大口仔成日提醒自己,錢在為我工作,不是我為錢工作。為了資產價格的起跌而心情唔好,同家人鬧不快,值得咩?

請唔好再咁多"早知"、"如果"同"不過",簡簡單單按自己的步伐投資,讓錢為咱們工作。